馬德里體育會 對 愛斯賓奴

軍情

馬德里體育會週中在歐霸盃勇挫阿仙奴，打入決賽，當中為球隊一箭定江山的迪亞高哥斯達，今戰要與安祖哥利亞一齊坐波監，稍微影響球隊火力。主帥施蒙尼在歐霸盃贏波後，大讚球隊主場萬達大都會球場威力，今戰續於主場出擊，應會有更佳鬥志。老將費蘭度托利斯自宣布季尾離隊後，表現不跌反升，仍是球隊爭勝一路奇兵。

愛斯賓奴射手謝拉特摩蘭奴今季表現神勇，有傳已獲維拉利爾睇中，欲將其收歸旗下；而這位西班牙土炮前鋒亦坦言，明白球隊需要金錢，他似乎願意被賣走離隊。新帥加利高在前線慣以謝拉特摩蘭奴夥拍沙治奧加西亞攻堅，季初重金加盟的巴西鋒將巴迪斯達奧經已失寵，勢要續居後備。

馬德里體育會
停賽：迪亞高哥斯達（前鋒）、安祖哥利亞（前鋒）
上陣成疑：／
受傷／缺陣：桑法蘭托里斯（中場）

愛斯賓奴
停賽：／
上陣成疑：皮亞堤（中場）
受傷／缺陣：奧斯卡杜亞迪（後衛）、迪亞高洛迪古斯（門將）

近況

馬德里體育會週中剛在歐霸盃打敗英超勁旅阿仙奴，成功闖入決賽，士氣當然好。事實上，「床單軍」近期兩連勝，狀態的確不俗，不過，大戰過後，馬體會球員今戰集中力或會減弱，始終他們現時只為爭聯賽亞軍，鬥志未會太強，今戰或會只求小勝。愛斯賓奴上戰踢和已篤定降班的拉斯彭馬斯，表現令人失望。愛軍近7戰僅入3球，打風流波鬥志有限，今遇上要回氣的馬體會，估計今場勝負都會是一球上落，寧博[2.5球]「入球」細。

對賽

兩軍近6次交手，有5次開出「總入球」2球或以下。
馬體會近6次主場對賽，取得5勝1和。